اب کے تجدیدِ وفا کا نہیں امکاں جاناں

اب کے تجدیدِ وفا کا نہیں امکاں جاناں🥀
یاد کیا تجھ کو دلائیں تیرا پیماں جاناں🥀

یوں ھی موسم کی ادا دیکھ کے یاد آیا ھے🥀
کس قدر جلد بدل جاتے ھیں انساں جاناں🥀

زندگی تیری عطا تھی سو تیرے نام کی ھے🥀
ھم نے جیسے بھی بسر کی تیرا احساں جاناں🥀

دل یہ کہتا ھے کہ شاید ھو فُسردہ تو بھی
دل کی کیا بات کریں دل تو ھے ناداں جاناں🥀

اول اول کی محبت کے نشے یاد تو کر🥀
بے پیئے بھی تیرا چہرہ تھا گلستاں جاناں🥀

آخر آخر تو یہ عالم ھے کہ اب ہوش نہیں🥀
رگِ مینا سلگ اٹھی کہ رگِ جاں جاناں🥀

مدتوں سے یہی عالم نہ توقع نہ امید🥀
دل پکارے ھی چلا جاتا ہے جاناں! جاناں!🥀

اب کے کچھ ایسی سجی محفل یاراں جاناں🥀
سر بہ زانوں ھے کوئی سر بہ گریباں جاناں🥀

ھر کوئی اپنی ھی آواز سے کانپ اٹھتا ھے🥀
ھر کوئی اپنے ھی سایے سے ھراساں جاناں🥀

جس کو دیکھو وہ ھی زنجیز بپا لگتا ھے 🥀
شہر کا شہر ھوا داخل ھُوا زِنداں جاناں🥀

ھم بھی کیا سادہ تھے ھم نے بھی سمجھ رکھا تھا🥀
غمِ دوراں سے جدا ھے غمِ جاناں جاناں🥀

ھم ، کہ روٹھی ھُوئی رُت کو بھی منا لیتے تھے🥀
ھم نے دیکھا ھی نہ تھا موسم ھجراں جاناں🥀

ھوش آیا تو سب ھی خواب تھے ریزہ ریزہ 🥀
جیسے اُڑتے ھوئے اُوراقِ پریشاں جاناں🥀

اب ترا ذکر بھی شاید ھی غزل میں آئے🥀
اور سے اور ھوئے درد کے عنواں جاناں🥀

🥀✍️احمّد فراز“🥀